Aag ho tu jalne main dair kitani lagti hai
Aag ho tu jalne main dair kitani lagti hai
Barf ke pighalane main dair kitani lagti hai
Chaahe koi ruk jaaye chaahe koi rah jaaye
Qaafiloun ko chalane main dair kitani lagti hai
Chaahe koi jaisaa bhi ham safar ho sadiyoun se
Raastaa badalane main dair kitani lagti hai
Ye tu waqt ke bas main hai ke kitani mohalat de
Warna bakht dhalne main dair kitani lagti hai
Moo’m kaa badan le kar dhuup main nikal aana
Aur phir pighalane main dair kitani lagti hai
Soch ki zaminoun main raaste juda houn tu
Duur jaa nikalane main dair kitani lagti hai